हरिगुरु भजन
लालीगुरांश (सिर्जना भण्डारी)
गुरुदेव, परमात्माका अग्रदुत हौ तिमी, त्रिदेवका प्रतिमुर्ति हौ तिमी
तिमीमै म परमात्मा देख्छु, तिमीमै आफू हुनुको अर्थ म पाउँछु.....
तिमीमै मेरा पुज्य माता-पिता म देख्छु
तिमीमै सारा प्रिय साथी-सखा म भेट्छु
तिमीमै मेरो हृदयको धड्कन म सुन्छु
तिमीमै मेरो जन्मनुको सार म पाउँछु ।
गुरुदेव, परमात्माका अग्रदुत हौ तिमी, त्रिदेवका प्रतिमुर्ति हौ तिमी
तिमीमै म परमात्मा देख्छु, तिमीमै आफू हुनुको अर्थ म पाउँछु.....
तिम्रै भक्तिमा यो तनमनमा शान्ति छाउँछ
तिम्रै शरणमा परम आनन्दको द्वार खुल्छ
तिम्रै प्रेममा परोपकार भावको मूल फुट्छ
तिम्रै वाणीमा ॐकार नादको ध्यनी गुन्जन्छ ।
गुरुदेव, परमात्माका अग्रदुत हौ तिमी, त्रिदेवका प्रतिमुर्ति हौ तिमी
तिमीमै म परमात्मा देख्छु, तिमीमै आफू हुनुको अर्थ म पाउँछु.....
तिमी हाम्रो प्रेम, हाम्रो हृदयमा तिमी
तिमी हाम्रो पूजा, हाम्रो आत्मामा तिमी
तिमी हाम्रो प्राण, हाम्रो जीवनमा तिमी
तिमी हाम्रो भगवान, हाम्रो भक्तिमा तिमी ।
गुरुदेव, परमात्माका अग्रदुत हौ तिमी, त्रिदेवका प्रतिमुर्ति हौ तिमी
तिमीमै म परमात्मा देख्छु, तिमीमै आफू हुनुको अर्थ म पाउँछु.....
तिम्रै आराधनाले परमात्मा प्रति समर्पण आउँछ
तिम्रै दर्शनले भवसागरबाट पार लगाउँछ
तिम्रै आशिर्वादले पापीहरुको पाप कटाउँछ
पलपल तिम्रै स्मरणले परम-मुक्ति दिलाउँछ ।
गुरुदेव, परमात्माका अग्रदुत हौ तिमी, त्रिदेवका प्रतिमुर्ति हौ तिमी
तिमीमै म परमात्मा देख्छु, तिमीमै आफू हुनुको अर्थ म पाउँछु.....
No comments:
Post a Comment