गुरुदेव तिम्रो आगमनले

हरिगुरु भजन          

                            लालीगुरांश  (सिर्जना भण्डारी) 

गुरुदेव तिम्रो आगमनले बद्लियो मेरो यो मन 

सुख, शान्ति आनन्द छायो खुशीमा जगमगायो मेरो जीवन ।

नानाथरी वासनामा भड्कीएको थियो मेरो यो मन

तिम्रो दिव्य ज्ञान र प्रेमले फूल्यो फल्यो मेरो जीवन।

गुरुदेव तिम्रो आगमनले बद्लियो मेरो यो मन 

सुख, शान्ति आनन्द छायो खुशीमा जगमगायो मेरो जीवन ।

थिएन ज्ञान, ध्यान उराठ थियो मेरो यो जीवन

तिम्रो सनिध्यमा आइ सजग भएको छ यो मन । 

गुरुदेव तिम्रो आगमनले बद्लियो मेरो यो मन 

सुख, शान्ति आनन्द छायो खुशीमा जगमगायो मेरो जीवन ।

जान्दीनथें छुट्याउन असल-खराव यो जीवनमा

तिम्रो आशिष पाएर आनन्द छाएको छ मेरो मनमा ।

गुरुदेव तिम्रो आगमनले बद्लियो मेरो यो मन, 

सुख, शान्ति आनन्द छायो खुशीमा जगमगायो मेरो जीवन ।

बुझेको थिइन मैले यो भौतिक संसारको माया

तिम्रो मार्ग निर्देशनले पवित्र भएं, मुक्त भयो यो काया ।

गुरुदेव तिम्रो आगमनले बद्लियो मेरो यो मन, 

सुख, शान्ति आनन्द छायो खुशीमा जगमगायो मेरो जीवन  ।

दुःख पिडा र निराशाले डेबेको थिएं भवसागरमा

माझी बनी उदय भयौ तारी मलाई पुर्यायौ बैकुन्ठमा।

गुरुदेव तिम्रो आगमनले बद्लियो मेरो मन, 

सुख, शान्ति, आनन्द छायो खुशीमा जगमगायो मेरो जीवन  ।

तिमी नै तिमी......

                   लालीगुरांश  (सिर्जना भण्डारी)

दुइ पलको जीवन यो प्रकृतिको उपहार हो

जीवनले जता लैजान्छ त्यही नै मेरो गन्तब्य हो

कुनै चाल नगरि जो मेरो हृदयमा सुटुक्क आयो

उ नै मेरो हृदयमा धड्कीरहने धड्कन हो

मैले युगौं-युगदेखि खोजेको मेरो मनको मित हो

ए! मेरो मनको मित, ए! मेरो हृदयको धड्कन

मेरो रोम-रोममा तिमी यति प्रगाढ भएका छौ

तिम्रो प्रेमले नरसाएको हृदयको कुनै कुनो नै छैन

तिम्रो यादले नछोएको जीवनको कुनै पल नै छैन

मेरो कोश-कोशमा तिमी यसरी समाहित भएका छौ

तिम्रो सुन्दर झलक नभएको कुनै दृश्य नै छैन

तिम्रो स्मरणले पुलकित नबनाएको कुनै क्षण नै छैन

मेरो नजर भरि तिमी, मेरो हृदय भरि तिमी,

मेरो जीवन भरि तिमी, जता हेर्यो मात्र तिमी नै तिमी

जव म केही हेर्न थाल्छु, दृश्य बनेर आउँछौ तिमी

जव म पढ्न थाल्छु, अक्षर बनेर आउँछौ तिमी

जव म लेख्न थाल्छु, मसी बनेर आउँछौ तिमी

जव म रचना गर्न थाल्छु, शव्द बनेर आउँछौ तिमी

जव म गाउँन थाल्छु, शुर बनेर आउँछौ तिमी

जव म नृत्य गर्न थाल्छु, ताल बनेर आउँछौ तिमी

जव म संगीत सुन्छु, धून बनेर आउँछौ तिमी

जव म हाँस्न थाल्छु, आनन्द बनेर आउँछौ तिमी

जव म रुन थाल्छु, आँशु बनेर आउँछौ तिमी

जव म निद्रामा हुन्छु, सपना बनेर आउँछौ तिमी

जव म तन्द्रामा हुन्छु, झझल्को बनेर आउँछौ तिमी

जव म प्रकाशमा हुन्छु, किरण बनेर आउँछौ तिमी

जव म ध्यानमा हुन्छु, ज्योति बनेर आउँछौ तिमी

जव म अन्धकारमा हुन्छु, दियो बनेर आउँछौ तिमी

जव म विषादमा  हुन्छु, उत्साह बनेर आउँछौ तिमी

जव म पिडामा हुन्छु, ओखती बनेर आउँछौ तिमी

जव म रुझेको हुन्छु, छाता बनेर आउँछौ तिमी

जव मलाई घामले पोल्छ, वतास बनेर आउँछौ तिमी

जव म भोजन गर्न थाल्छु, स्वाद बनेर आउँछौ तिमी

जव म यात्रामा हुन्छु, सवारी बनेर आउँछौ तिमी

ए! मेरो जीवनको एकमात्र सहयात्री, कहाँ छैनौ तिमी?

मेरो सुन्दर संसारको धर्ती र गगनभरि छौ तिमी

मेरो हाँसो र खुशीका हरेक पल-पलमा छौ तिमी

मेरो शरिरको अंग-अंगमा मगमगाएका छौ तिमी

मेरो जीवनको रंग-रंगमा सजिएका छौ तिमी

मेरो मनसमा कोरिएका तस्वीरमा छौ तिमी

मेरो तनमन-धड्कन-जीवन सबैतिर छौ तिमी

म भित्रको पवित्र दिव्य मन-मन्दिरमा छौ तिमी

जता हेर्यो त्यतै देख्छु मात्र तिमी नै तिमी ।।

म भित्रको पवित्र दिव्य मन-मन्दिरमा छौ तिमी

जता हेर्यो त्यतै देख्छु मात्र तिमी नै तिमी ।।

मात्र तिमी नै तिमी..... :)

प्रेमले पुलकित मन भन्छ

        लालीगुरांश  (सिर्जना भण्डारी)

प्रेमले पुलकित मन भन्छ,

तिमीसंग साथसाथ रही

तिमीलाई संधैभरी देखौं,

तिमीसंग संधै-संधै भेटी

तिमीसंग आँखा जुधाउँ,

तिम्रो हात समाएर हिंड्दै

तिमीसंग मन-मुटु साटौं,

तिम्रो अंगालोमा बाँधिइ

तिमीसंग हाँसो-आँशु बाँडौं,

तिम्रो काँधमा शीर राखी

सारा दुःख पिडा बिसाउँ,

तिम्रो हृदयलाई स्पर्स गरि

तिमी भित्रै सदा-सदा हराउँ,

तिम्रो काखमा लुटपुटीदै

जीवनका सारा बोझ बिसाउँ,

तिम्रो प्रेमको सागरमा डुबी

जीवनका हिरा-मोती खोजौं,

तिम्रै यादको श्रृङगारमा सजिएर

जीवनका अमूल्य पल सजाउँ,

तिम्रो स्पर्सको आनन्दमा हराइ

आफू हासौं तिमीलाई हँसाउँ,

खुशीका एक-एक पल साँची

हाम्रो जीवन स्वर्गझैं बनाउँ,

जीवनका सबै सपनाहरु गाँसी

हाम्रो एउटा बेग्लै संसार रचौं।

जीवनका सबै सपनाहरु गाँसी

हाम्रो एउटा बेग्लै संसार रचौं ।

जीवनको भवसागरबाट पार तरौं

हरिगुरु भजन          

                               लालीगुरांश  (सिर्जना भण्डारी) 

 कृष्ण.... हरे कृष्ण, कृष्ण कृष्ण हरे हरे । कृष्ण... कृष्ण... कृष्ण... कृष्ण... कृष्ण...।  हरे कृष्ण, कृष्ण कृष्ण हरे हरे....

जीवन एक भवसागर हो, पारि त्यो सास्वत धाम छ 

सदगुरुको महिमा अपरम्पार छ, उनको शरणमा जाउँ 

सदगुरु माझी हो, उनैको डुङगा समाउँ 

जीवनको भवसागरबाट पार तरौं ।

राम.... हरे राम, राम राम हरे हरे । राम... राम... राम... राम... राम...। हरे राम, राम राम हरे हरे....

यो शरिर नाशवान छ, त्यो आत्म तत्वलाई चिनौं

सदगुरुको महिमा अपरम्पार छ, उनको शरणमा जाउँ 

सदगुरु माझी हो, उनैको डुङगा समाउँ 

जीवनको भवसागरबाट पार तरौं ।

कृष्ण.... हरे कृष्ण, कृष्ण कृष्ण हरे हरे । कृष्ण... कृष्ण... कृष्ण... कृष्ण... कृष्ण...।  हरे कृष्ण, कृष्ण कृष्ण हरे हरे....

यो संसार सारा मिथ्या हो, प्रभुको सत्यलाई जानौं

सदगुरुको महिमा अपरम्पार छ, उनको शरणमा जाउँ 

सदगुरु माझी हो, उनैको डुङगा समाउँ 

जीवनको भवसागरबाट पार तरौं ।

राम.... हरे राम, राम राम हरे हरे । राम... राम... राम... राम... राम...। हरे राम, राम राम हरे हरे....

बाहिरी ज्ञान सबै अविद्या हो, प्रभुको दिव्य विद्या सिकौं

सदगुरुको महिमा अपरम्पार छ, उनको शरणमा जाउँ 

सदगुरु माझी हो, उनैको डुङगा समाउँ 

जीवनको भवसागरबाट पार तरौं ।

कृष्ण.... हरे कृष्ण, कृष्ण कृष्ण हरे हरे । कृष्ण... कृष्ण... कृष्ण... कृष्ण... कृष्ण...।  हरे कृष्ण, कृष्ण कृष्ण हरे हरे....

सांसारीक प्रेम सबै झुठो हो, प्रभुको प्र.म भक्तिमा डुबौं

सदगुरुको महिमा अपरम्पार छ, उनको शरणमा जाउँ 

सदगुरु माझी हो, उनैको डुङगा समाउँ 

जीवनको भवसागरबाट पार तरौं ।

राम.... हरे राम, राम राम हरे हरे । राम... राम... राम... राम... राम...। हरे राम, राम राम हरे हरे....

जीवन मृत्यु प्रभुकै लिला हो, यो अलौकिक खेललाई बुझौं

सदगुरुको महिमा अपरम्पार छ, उनको शरणमा जाउँ 

सदगुरु माझी हो, उनको डुङगा समाउँ 

जीवनको भवसागरबाट पार तरौं ।

कृष्ण.... हरे कृष्ण, कृष्ण कृष्ण हरे हरे । कृष्ण... कृष्ण... कृष्ण... कृष्ण... कृष्ण...।  हरे कृष्ण, कृष्ण कृष्ण हरे हरे....

कृष्ण.... हरे कृष्ण, कृष्ण कृष्ण हरे हरे । कृष्ण... कृष्ण... कृष्ण... कृष्ण... कृष्ण...।  हरे कृष्ण, कृष्ण कृष्ण हरे हरे....

राम.... हरे राम, राम राम हरे हरे । राम... राम... राम... राम... राम...। हरे राम, राम राम हरे हरे....

राम.... हरे राम, राम राम हरे हरे । राम... राम... राम... राम... राम...। हरे राम, राम राम हरे हरे....

प्रभु! तिम्रो नजरको हेराइ

हरिगुरु भजन          

                               लालीगुरांश  (सिर्जना भण्डारी) 

भावुकता छर्ने तिम्रा ति नजरका दिव्य हेराइहरु

तिम्रो नजरमा नजर मिलाई प्रेमरस म पिइरहेछु ।

 

परमात्माको परम-ज्योतिको आभा छ तिम्रा ति नजरमा

त्यहि परम-ज्योतिको अलौकिक सागरमा म तैरीरहेछु ।

 

आशिर्वादले भरिएका छन् तिम्रा ति प्रेमपूर्ण हेराइ

त्यहि आशिर्वादमा डुबेर सारा जगत म भुलिरहेछु ।

 

अति प्यारा प्यारा नजरले जव मलाई हेर्छौ तिमी 

तिमीलाई नियालौं कि तिम्रो हेराइलाई म अल्मल्लीरहेछु ।

 

यि नजरमा नजर मिलाई जव मुस्कुराउँछौ तिमी

तिम्रो मुस्कानमा परम-आनन्दको मिठास म पाइरहेछु ।

 

ति नजरले मेरा भावहरु जव नियालेर हेर्छौ तिमी

अदभूत अलौकीक अमृत सोमरस म पिइरहेछु ।

तिमी विम्व हौ....

हरिगुरु भजन

                            लालीगुरांश  (सिर्जना भण्डारी) 

यो सपना हो कि विपना, चारैतिर तिमी नै तिमी

हृदय भित्र तिमी, आँखाको नानी भित्र तिमी

मेरो संसारमा तिमी नै तिमी........

तिमी मौनताको विम्व हौ सागर

म बगिरहने पानीको चन्चल लहर

तिमी सहनशिलताको विम्व हौ धर्ती

म सामान्य सानो एउटा शहर ।

यो सपना हो कि विपना, चारैतिर तिमी नै तिमी

हृदय भित्र तिमी, आँखाको नानी भित्र तिमी

मेरो संसारमा तिमी नै तिमी........

तिमी अनन्तताको विम्व हौ आकाश

म चम्किरहने आकाशको सानो तारा

तिमी प्रेमको विम्व हौ इश्वर

मलाई तिम्रो प्रेमको एउटै साहारा ।

यो सपना हो कि विपना, चारैतिर तिमी नै तिमी

हृदय भित्र तिमी, आँखाको नानी भित्र तिमी

मेरो संसारमा तिमी नै तिमी........

तिमी परिवर्तनको विम्म हौ समय

म चलिरहने घडिको आवाज टिकटिक

तिमी अटलताको विम्व हौ आत्मज्योती

मेरो अस्तित्व थिएन तिमी नभए ।

यो सपना हो कि विपना, चारैतिर तिमी नै तिमी

हृदय भित्र तिमी, आँखाको नानी भित्र तिमी

मेरो संसारमा तिमी नै तिमी........ 

चाहेको थिएं तिमीलाई....

              लालीगुरांश  (सिर्जना भण्डारी) 

तिमीसंग भेटेपछि प्रियतम, तिम्रो साथ यति प्रिय लाग्यो

कि, मेरा चाहानाहरुले पालुवा हाल्न थाले-

चाहेको थिएं तिमीलाई, मेरो हृदय खोलेर देखाउँ

तर अप्ठ्यारो परिस्थितिले रोकिदियो ।

चाहेको थिएं तिमीलाई, मेरो न्यानो अंगालोमा बाँधौं

तर लाज र शरमले छेकिदियो ।

चाहेको थिएं तिमीलाई, आफ्नो जीवनको सहयात्री बनाउँ

तर संस्कृति र परम्पराले बाँधिदियो ।

चाहेको थिएं तिमीलाई, आफ्नो नजरको सामुन्ने देखौं

तर निर्मोही समाजले रोकिदियो ।

चाहेको थिएं तिमीलाई, आफ्नो आँखाको नानीभित्र बसाऔं

तर वर्षिरहने आँशुले बगाइदियो ।

चाहेको थिएं तिमीलाई, सदा एकनास नियालीरहन पाउँ

तर बदनामीको भयले रोकिदियो ।

चाहेको थिएं तिमीलाई, सदा एकनास सुनीरहन पाउँ

तर दुनियाँको हल्लाले छेकिदियो ।

चाहेको थिएं तिमीलाई, यि हातहरुले स्पर्स गरिरहौं

तर अपरीचित भावले रोकिदियो ।

चाहेको थिएं तिमीलाई, मेरो हृदयको तरंग सुनाउँ

तर टाढिएको सम्वन्धले छेकिदियो ।

चाहेको थिएं तिमीसंग, केही यादगार पल गुजारौं

तर समयको प्रतिकुलताले रोकिदियो ।

चाहेको थिएं तिमीसंग, मिठा-मिठा कुरा गरेर बसौं

तर बातलाग्ने त्रासले रोकिदियो ।

चाहेको थिएं तिमीसंग, आपसमा मुटु साटेर जिउँ

तर कर्तव्य र जिम्मेदारीले रोकिदियो ।

चाहेको थिएं तिमीसंग, सदाका लागि एकसाथ रहुँ

तर पुराना कर्मबन्धनले छेकिदियो ।

चाहेको थिएं तिमीसंग, सदाका लागि समिप रहुँ

तर तिम्रो लोकप्रियताले पछाडि धकेलिदियो ।।

चाहेको थिएं तिमीसंग, सदाका लागि समिप रहुँ

तर तिम्रो लोकप्रियताले पछाडि धकेलिदियो ।।

गुरु मेरो भगवान, गुरु मेरो पूजा

 हरिगुरु भजन

                            लालीगुरांश  (सिर्जना भण्डारी) 

गुरु मेरो भगवान, गुरु मेरो त्रिदेव, गुरु मेरो पूजा; गुरु मै देख्छु परमात्माको रुवरुप पूरा....

 

पाएर तिम्रो दर्शन गुरुदेव,

परमात्माको दिव्य स्वरुप यो हृदयमा उतारें मैले

 

छोएर तिम्रो चरण गुरुदेव,

परमात्माको स्पर्स अनुभुत गर्ने अवसर पाएं मैले

 

गुरु मेरो भगवान, गुरु मेरो त्रिदेव, गुरु मेरो पूजा; गुरु मै देख्छु परमात्माको रुवरुप पूरा....

 

आएर तिम्रो शरण गुरुदेव,

परमात्माको प्रत्यक्ष सानिध्य अनुभव गरें मैले

 

धाएर तिम्रो गुरुकुल गुरुदेव,

परमात्माको बैकुन्ठ पुगेको आभास पाएं मैले

 

गुरु मेरो भगवान, गुरु मेरो त्रिदेव, गुरु मेरो पूजा; गुरु मै देख्छु परमात्माको रुवरुप पूरा....

 

लिएर तिम्रो परम-ज्ञान गुरुदेव,

परमात्माको परमतत्व बुझ्ने अवसर पाएं मैले

 

देखेर तिम्रो सुन्दर रुप गुरुदेव,

परमात्माको दिव्य आकृतिको दर्शन पाएं मैले

 

 गुरु मेरो भगवान, गुरु मेरो त्रिदेव, गुरु मेरो पूजा; गुरु मै देख्छु परमात्माको रुवरुप पूरा....

 

सुनेर तिम्रो वाणी गुरुदेव,

परमात्माको अमृत प्रेमधाराले नुहाएं मैले

 

सुनेर तिम्रो महिमा गुरुदेव,

परमात्माको तिर्थाटनको दिव्य फल पाएं मैले

 

गुरु मेरो भगवान, गुरु मेरो त्रिदेव, गुरु मेरो पूजा; गुरु मै देख्छु परमात्माको रुवरुप पूरा....

ति नजरमा नजर मिलाई प्रेमरस म पिइरहेछु

 गीत          

                               लालीगुरांश  (सिर्जना भण्डारी) 

अहो! भुतुक्कै पार्ने तिम्रा ति नजरका हेराइ

ति नजरमा नजर मिलाई प्रेमरस म पिइरहेछु ।

 

परम-ज्योतिको आभा छ तिम्रा ति नजरमा

त्यहि परम ज्योतिको अलौकिकतामा म तैरीरहेछु ।

 

नशाले भरिएका छन् तिम्रा ति प्रेमपूर्ण हेराइ

त्यहि नशामा डुबेर सारा जगत म भुलिरहेछु ।

 

अति प्यारो नजरले जव हेर्छौ तिमी मलाई

तिमीलाई नियालौं कि तिम्रा हेराइलाई म अल्मल्लीरहेछु ।

 

यि नजरमा नजर मिलाई जव मुस्कुराउँछौ तिमी

त्यहि मुस्कानमा परम-आनन्दको मिठास म पाइरहेछु ।

 

ति नजरले मेरा भावहरु जव नियाल्छौ तिमी

मिठा-मिठा प्रेमका भावहरु लुकाउँदै म लजाइरहेछु ।

ए! जीन्दगी तिमीलाई मेरो कोटी सलाम

गीत         

                               लालीगुरांश  (सिर्जना भण्डारी) 

ए! जीन्दगी तिमीलाई मेरो कोटी सलाम, यसरी नै सदा तिम्रो साथ म पाउँ.....

छैन कुनै चाहना अव तिमीलाई पाएपछि, पूर्ण भएं म तिमीसंग भेटे पछि ।

 

तिम्रो आगमनले तृप्त भयो यो मन

तिमी नै सर्वस्व तिमी नै परम-धन

 

राम्रो नराम्रो सबै तिमीले देख्न सिकायौ

जीवनको भवसागरबाट तिमीले नै उतार्यौ

 

ए जीन्दगी तिमीलाई मेरो कोटी सलाम, यसरी नै सदा तिम्रो साथ म पाउँ.....

छैन कुनै चाहना अव तिमीलाई पाएपछि, पूर्ण भएं म तिमीसंग भेटे पछि ।

 

तिमी यसरी मेरो मन-मन्दिरमा छायौ

ब्रह्माण्डकै सारा परम-आनन्द ल्यायौ

 

तिम्रो प्रेम दिव्य गंगाको पवित्र धारा

हृदय भरि प्रेम नै प्रेम भरिदियौ सारा

 

ए जीन्दगी तिमीलाई मेरो कोटी सलाम, यसरी नै सदा तिम्रो साथ म पाउँ.....

छैन कुनै चाहना अव तिमीलाई पाएपछि, पूर्ण भएं म तिमीसंग भेटे पछि ।

 

तिमीले नै मेरा सारा सपना फुलायौ

दिएर त्यो दिव्य साथ परम-पुन्य बनायौ

 

सदा तिम्रो साथ रहने चाहना छ मेरो

हुँनेछैन टाढा छायाँ बनेर रहन्छु तिम्रो 

 

ए जीन्दगी तिमीलाई मेरो कोटी सलाम, यसरी नै सदा तिम्रो साथ म पाउँ.....

छैन कुनै चाहना अव तिमीलाई पाएपछि, पूर्ण भएं म तिमीसंग भेटे पछि ।

 

=========

हरिगुरु भजनको लागि मुखडा

गुरुदेव तिमीलाई मेरो कोटी प्रणाम, यसरी नै सदा तिम्रो आशिर्वाद म पाउँ.....

छैन अव कुनै चाहना तिमीलाई पाएपछि, तिमीनै सर्वस्व अव कहाँ म जाउँ

हे प्रभु ! हामी संधै तिम्रो इच्छामा शिर झुकाइरहनेछौं

             लालीगुरांश  (सिर्जना भण्डारी) 

मलाई यो कुरा राम्ररी थाहा छ, प्रियतम

कि, हामी शुरुमा भेटीएको दिनदेखि नै

तिमी आफ्नो न्यानो र कोमल अंगालो

मेरो स्वागतमा फिंजाएर बसेका छौ

तर, न म तिम्रो नजिक जान सकें

न तिमी नै मेरो नजिक आउन सक्यौ

आफूले चाहे जस्तो कहाँ हुने रहेछ र ?

समय परिस्थिति नै हाम्रो अनुकुल भएन

त्यसैले, कृपया माफ गरिदेउ है मलाई 

तिम्रो हृदयको गहिरो भाव बुझीकन पनि

मैले तिम्रो स्वागतको सम्मान गर्न सकिन

तिमी, आफ्ना भाव बुझाउन पहेलीहरु पस्किरह्यौ

मैले परिस्थिति बुझाउन अवस्थाहरु बताइरहें

तिमीले दिव्य प्रेम भावका सुगन्धहरु छरिरह्यौ

म ति सुगन्धको मादकतामा लठ्ठ भइरहें

प्रेमको अमृत वर्षा गरि मेरो हृदय जितिरह्यौ

म तिम्रो प्रेममा खिचिदै आफूलाई हार्दै गएं

तिमी सुन्दर-सुगन्धित गुलाव झैं सामुन्ने आइरह्यौ

म तिम्रो सुरन्दरता र सुगन्धमा मातिदै गएं

तिम्रा मधूर वाणीहरुले मलाई सम्बोधन गरिरहे

म तिमीलाई सुनीरहन लालायित हुंदै गएं

तिम्रो अलौकीक उपस्थिति यि आँखाले पर्खिरहे

म तिमीलाई देखीरहन लालायित हुंदै गएं

जव तिमी समय सकियो अव छुटौं है भन्थ्यौ

म झसंग हुन्थें र अर्को भेटको प्रतिक्षामा रहन्थें

यि क्रियाहरु दोहोरीरहे, म आनन्दमा डुबीरहें

तिमीले निरन्तर आफूमा मलाई डुबाइरह्यौ 

तर,

म आफूले चाहेर तिमीमा डुबिरहेको थिइन

यो त आफैं भैदियो त्यो परम-शक्तिको कृपाले

सायद, तिमी पनि आफूले चाहेर म मा डुबेका थिएनौ

हामी दुबै त्यो परम-शक्तिको भक्तिमा डुबेका थियौं

उसैले इशारा गरेको दिशातिर हामी तानिइरह्यौं

यही निरन्तरता आजसम्म पनि चलिरहेकै छ

तिमी पनि त्यहि शक्तिको कृपा मानिरहेका छौ

म पनि त्यहि शक्तिको कृपा मानिरहेको छु

हामी आत्म-मिलनको बाटोमा अघि बढिरहेका छौं

त्यसैले, हाम्रो निजी इच्छा पुरा नभएर के भयो त

कमसेकम तिम्रो इच्छा त पुरा भयो नि, भगवान !

कम्तीमा आज हामी एकै ठाउँमा त आइपुग्यौ नि 

यदि, हाम्रो निजी इच्छा पूरा भएको थियो भने

हामीमा अहंकार र आडम्बर आउन सक्थ्यो

त्यसले परिस्थितिमा थप समस्या ल्याउन सक्थ्यो

किनिकी, हामी त अज्ञानी छौं, आडम्बरी छौं

तिमी सदा अटल, सत्य, सहयोगी र प्रेमल छौ

त्यसैले, हे प्रभु! संधै तिम्रै इच्छा मात्र पूरा होस्

हामी संधै तिम्रो इच्छामा शिर झुकाइरहनेछौं ।।

हामी संधै तिम्रो इच्छामा शिर झुकाइरहनेछौं ।।