गुरुको ज्ञान अति नै महान

                                                 लालीगुरांश  (सिर्जना भण्डारी)

गुरुको ज्ञान अति नै महान -२

सदगुरुदेव तिमीबाट पाएको परम ज्ञानको ज्योतिले

म भित्रको अहंकार र अभिमान टुट्यो

लोभ र इष्र्या गर्ने बानी छुट्यो

माया र मोहको जाल छिन्यो

काम,  क्रोध र वासनाको अवगुण हट्यो

कर्म बन्धनको गाँठो फुक्यो

तिमीलाई कोटी कोटी नमन् गर्दछु 

तिम्रो नित नित बन्दना गर्दछु। -२

गुरुको ज्ञान अति नै महान -२

सदगुरुदेव तिमीबाट पाएको परम ज्ञानको ज्योतिले

मेरो मनमा सेवाको भाव उठ्यो

हृदयमा प्रेमको मूल फुट्यो

चेतनामा आएको दिगो जागरणले

जीवनमा सहजता र सरलता ल्यायो

ध्यानको गहिराई म मा छायो

म को हुँ र किन यहाँ छु भन्ने

सास्वत सत्य मेरो वोधमा आयो

तिमीलाई कोटी कोटी नमन् गर्दछु 

तिम्रो नित नित बन्दना गर्दछु। -२

गुरुको ज्ञान अति नै महान -२

सदगुरुदेव तिमीबाट पाएको परम ज्ञानको ज्योतिले

मैले आफैं भित्रको सुख, खुशी र शान्तिलाई भेटें

आत्मा अमर हुन्छ भन्ने ज्ञानलाई जानें

विजब्रह्म परमात्माको सानिध्य पाएं

जन्मौं जन्मका लागि मुक्तिको बाटो समाएं

मोक्षलाई मेरो एकमात्र लक्ष्य बनाएं

तिमीलाई कोटी कोटी नमन् गर्दछु 

तिम्रो नित नित बन्दना गर्दछु। -२

गुरुको ज्ञान अति नै महान -२

सदगुरुदेव तिमीबाट पाएको परम ज्ञानको ज्योतिले

मैले म भित्रको सास्वत 'म' लाई भेटें

मेरोलाई छोडेर यही सास्वत 'म' लाई अंगालें

आफूभित्र सबैलाई देख्न सकें

सबैभित्र आफुलाई खेख्न सकें

यही जीवनमा परम-आनन्दको पथ भेटाएं

तिमीलाई कोटी कोटी नमन् गर्दछु 

तिम्रो नित नित बन्दना गर्दछु। -२

गुरुको ज्ञान अति नै महान -२

सदगुरुदेव तिमीबाट पाएको परम  ज्ञानको ज्योतिले

यो भौतिक संसारको माया रुपलाई जानें

त्यो पराभौतिक संसारको दिव्यतालाई बुझें

वर्तमान क्षणको महत्व बुझेर पलपल सजग भएं

विचारको शक्तिलाई समाएर साक्षीमा रमाएं

चेतनालाई बढाएर ब्रम्हान्डको माथि–माथि पुर्याएं

र

आफ्नो जीवन सहज बनाएं

अरुको सेवा र परोपकारमा लागें

तिम्रो जीवनभरको त्यागलाई फूलाएं

तिमीले दिएको परम-ज्ञानलाई अझ माथि उठाएं 

तिमीलाई कोटी कोटी नमन् गर्दछु 

तिम्रो नित नित बन्दना गर्दछु। -२

                                                     अस्तु            

सदगुरु, तिमीलाई मेरो विनम्र आग्रह

हरिगुरु भजन                                        

                                         लालीगुरांश  (सिर्जना भण्डारी)

सदगुरु तिमीसंग मेरो हृदयको तार सदा जोडीइरहोस् २

तिम्रो दर्शनको तिब्र प्यास मेरो हृदयमा सदा जागीरहोस्

तिम्रो महाज्ञानको अटुट दिव्यधारा म मा सदा बगीरहोस्

तिम्रो अलौकिक प्रेमको आशिवार्द म मा सदा वर्षिरहोस् २ ।

 

सदगुरु तिम्रो दर्शन बिना यो संसारमा म अपूर्ण थिएं २

तिम्रो खोजमा पागल बनी ढोका-ढोका भौंतारीएको थिएं

तिम्रो दर्शन पाउन तिर्थ, मन्दिर, शिवालय कति-कति धाएं

तिमी त म भित्रै रहेछौ तिमीलाई हृदयको झंकारमा पाएं २ ।

 

सदगुरु र शिष्यको यो दिव्य पवित्र बन्धनमा बसिरहन पाउँ २

तिम्रो इश्वरीय परम-साथ नटुटोस कहिल्यै जहां-कहीं म जाउँ

तिम्रै चाह, तिम्रै आश छ मेरो मनमा सदा हृदाकाशमा छाउ

सनातन देखिकै बन्धन बाँधें मैले मबाट टाढा कहिल्यै नजाउ २ ।

 

सदगुरुको चम्किलो आभामा परमात्माको अखण्ड ज्योति पाएं मैले २

परमात्माको अखण्ड ज्योति फैलाई मलाई परम-पवित्र गरायौ तिमीले

वेदान्त ज्ञानको महायज्ञ लगाई अध्यात्मको मधूरस पिलायौ तिमीले

अज्ञानता र सांसारीक मायाको भूमरीबाट मलाई पार लगायौ तिमीले २ ।

त्यसैले,

सदगुरु तिमीसंग मेरो हृदयको तार सदा जोडीइरहोस् २

तिम्रो दर्शनको तिब्र प्यास मेरो हृदयमा सदा जागीरहोस्

तिम्रो महाज्ञानको अटुट दिव्यधारा म मा सदा बगीरहोस्

तिम्रो अलौकिक प्रेमको आशिर्वाद म मा सदा वर्षिरहोस् २ ।

                                            अस्तु         

यो मन र त्यो मन

             लालीगुरांश  (सिर्जना भण्डारी) 

यो मन कहिलेबाट

त्यो मनकोलागि

यति मनकारी भएछ!?

यो मनलाई सोधें मैले

यो मनले भन्यो

यो मनको कुरा

त्यो मनलाई थाहा छ कि!

तर त्यो मनलाई

सोधुं भने

यो मनको पिडा

यो छ कि

त्यो मन यो मनसंग

कहिल्यै सिधा सम्पर्कमा

आउनै चाहेन

अव कसरी

यो मनले

त्यो मनलाई सोधौं?

सोच मग्न भएर

यो मन मनमनै

मनन् गर्दै

मनको विषादमा

डुबिरहेको छ।

विषादमा डुबिरहेको छ।।

आप और मे, 'हम' बनगए

                लालीगुरांश  (सिर्जना भण्डारी) 

अगर सवकुछ मिलजाए जीन्दगी मे

तो, पानेकी तमन्ना किसकी करुगीं

कुछ अधुरी ख्वाइसे पुरी होने कि

मनकी वो बेइन्तहां आसाऐं ही तो

पूरी जीन्दगी जीनेका मजा देती है

आप ही मेरी व बेइन्तहां तमन्ना हो

आप ही मेरी व अधुरी ख्वाइस हो ।

 

कभि-कभि सपनो मे आजाया करें

कभि-कभि हकिकत मे आजाया करें

मे पुरी जीन्दगी खुव मुस्कुराती रहुगीं

आपके मिठे-मिठे याद मे, मेरे प्रियतम

मे पुरी जीन्दगी भरपूर जीती रहुगीं

आपके अलौकीक साथ मे, मेरे प्रियतम ।

 

आप जव हरदिन सपनों मे आते हो

और, मुझे आसमान मे उडा लेजाते हो

तो, ऐसा परम-आनन्द होता है, कि

जैसे, कहीं दुसरी संसार मे पहुँच गइ हुँ

जैसे, परमात्मा के दरबारमे रहरही हुँ

और, इस मायावी संसारसे मुक्त हो चुकी हुँ ।

 

आप जव कभि-कभि हकिकत मे आते हो

और, प्रेमके महासागर मे ऐसे डुबोदेते हो

तो, ऐसा अद्भूतसा अनुभव होता है, कि

जैसे, कोही युगौंकी अधूरी प्यास बुझगइ हो

जैसे, दिव्य प्रेमके अथाह गहराई मे डुवगइ हुँ

और, तुम्हे पानेकी अधुरी ख्वाइस पुरी होगइ हो ।

 

अव, हमने एक दुसरेको प्राप्त करलिया है

और, आत्माकी मिलनकी समय आरही है

हम एक-दुसरेके बहुत नजदिक होरहें है

हमारी हृदय कि धड्कन एक हो चुकी है

और, दो शरीर एक दिव्य आत्मा बनरही है

इस संसारको छोडकर प्रभुके करिव होरहे है । - २

प्रेम

                                           लालीगुरांश  (सिर्जना भण्डारी)

प्रेमको कुनै रुप हुदैन

यो त हृदयको मिठो अनुभूति हो

जव कसैको याद स्वयंको भन्दा  

अधिक मधुर र मिठो लाग्छ

त्यहि मिठास नै सास्वत प्रेम हो

उसैको यादमा डुब्नु दिगो प्रेम हो

उसलाई पलभर नभुल्नु दिव्य प्रेम हो ।

प्रेमको कुनै रंग हुदैन

यो त अदृश्य जगमग ज्योती हो

प्रेमले मनका कुनाकुनामा प्रकाश छर्छ

इहलोक परलोक ज्योर्तिमय बनाउँछ

आफैं भित्रको सुख र शान्ति प्रकट गरि

पलपल परम–आनन्दमा जिउन सिकाउँछ 

प्रेमले नै जिवन स्पर्गतुल्य बनाउँछ ।

प्रेमको कुनै जात हुदैन 

यो त स्वयंको हृदयबाट प्रष्फुटित श्रद्धा हो

यसले कसैलाई ठूलो सानो भन्दैन

सबैमा उही एउटै परमात्मा देखाउँछ

सबैलाई आफूभित्र समेट्न सिकाउँछ

तँ र म को भेद छुट्याउँदैन

हामी भन्ने समुहिक भाव जगाउँछ ।

प्रेमको कुनै स्वाद हुदैन

यो त निरन्तर वर्षिरहने अमृत वर्षा हो

जसले महा ओखतीको काम गर्छ 

जिवनका अवसादहरुबाट मुक्ति दिलाउँछ

स्थुल–मन–भाव– र चेतन शरिरलाई

सवल, स्वस्थ्य र तनदुरुस्त बनाउँछ 

शरिरबाटै परमात्माको मार्ग सदृश्य गराउँछ ।

प्रेमको कुनै आकार हुदैन 

यो त निराकार सास्वत सत्य हो

जो सीमाहिन विराट स्वरुपमा छ

पुरै ब्रम्हान्ड प्रेममै टिकेको छ 

प्रेमकै कारण तिमी छौ, म छु

निराकार प्रेमको कुण्डमा तैरीरहेछौं

जो अनुभूतिमा मात्र छ, दृश्यमा शुन्य छ ।