लालीगुरांश
आकाशलाई चुम्वन गर्दै
ठिङ्ग उभिएका अग्ला महलहरु
हेर्दा लाग्थ्यो की, ति
शर्माउंदै चम्कीलो घुम्टोभित्र लुकेर
कसैको पर्खाइमा बाटो
हेरीरहेका छन् ।
लमतन्न परेर पसारीएका
सुन्दर फूल र घाँसका रंगीन बिछौनाहरु
हेर्दा लाग्थ्यो की, ति
प्रकृतिलाई आफ्नो काखमा लिई
पवनभरी मिठो वासना छरीरहेका छन् ।
शान्तसंग भित्र–भित्रै बगिरहेका
अथाह पानीका तरंगीत दहहरु
हेर्दा लाग्थ्यो की, ति
तरंगका अनगीन्ती लहरहरु
किनार भेट्न तछाड–मछाड गरीरहेका छन् ।
सुन्दरताको प्रदर्शन गर्दै
यौवन देखाईरहेका सुन्दर
पार्कहरु
हेर्दा लाग्थ्यो की, ति
को भन्दा को राम्रो भन्दै
सुन्दरताको प्रतियोगिता गरीरहेका छन् ।
अन्त्यहिन जस्ता लाग्ने
चिल्ला र फराकीला शडकहरु
हेर्दा लाग्थ्यो की, ति
आफ्नो पिडाको पर्वाह नगरी
सेवाभावले परोपकार गरीरहेका छन् ।
No comments:
Post a Comment