लालीगुरांश (सिर्जना भण्डारी)
मैले विकारलाई छोडें सकार समाएं
अनि भोगलाई छोडें योगमा आएं
हे शिव, तव तिमीलाई पाएं ।
मैले लोभलाई त्यागें सेवामा रमाएं
अनि मोहलाई त्यागें आफूलाई भेटाएं
हे शिव ! तव तिमीलाई पाएं ।
मैले शरीरभन्दा परको पंचतत्व बुझें
अनि अन्तःकरणभन्दा परको अमृतरस पिएं
हे शिव ! तव तिमीलाई पाएं ।
मैले बन्द आँखामा तिमीलाई देखें
अनि मौन चित्तमा तिमीलाई जानें
हे शिव ! तव तिमीलाई पाएं ।
मैले न्यून अहंकारमा अस्तित्व भेटें
अनि खुल्ला हृदयमा सबैलाई समटें
हे शिव ! तव तिमीलाई पाएं ।
अनि खुल्ला हृदयमा सबैलाई समटें
हे शिव ! तव तिमीलाई पाएं ।।
No comments:
Post a Comment