लालीगुरांश (सिर्जना भण्डारी)
यो सारा लोकमा शिवको महिमा
गाउँदै, नाच्दै पर्व मनाऔं सबले
प्रभुको दिव्य दर्शन गरेर हामी
पूजन गरौं शुद्ध तन, मनभावले ।
यो सारा लोकमा...
आराध्य तिमीनै सबको मनका स्वामी
सबैको पुकार सुन्ने दिव्यताका राज
मनको कुनाकुनामा वास छ तिम्रै
सर्वव्यापक तिमी हरेकमा तिम्रै वास ।
यो सारा लोकमा...
आयौं तिम्रो शरणमा जय भोलेबाबा
तिम्रै भरोसा अव यो जीवनमा
तिमीनै सबको प्राणका मूल आधार
भवसागरबाट पारलगाऊ हे जगतका पालनहार ।
यो सारा लोकमा...
कणकणमा स्थित विभु छौ तिमी
हे, शिवशम्भु जगतमा तिम्रै राज
गाउछौं हृदयमा तिम्रै भक्ति, स्तुति
दुःख हरेर देऊ हामीलाई त्राण ।
यो सारा लोकमा...
No comments:
Post a Comment