प्रभु! तिमीनै मोक्षको द्वार

  हरिगुरु भजन           

                 लालीगुरांश  (सिर्जना भण्डारी) 

कति चाहान्छु तिमीलाई प्रभु

नाप्ने कुनै मापन छैन

कति सम्झिन्छु तिमीलाई प्रभु

चिरेर देखाउन अवतार होइन

देखिरहुँ लाग्छ तिमीलाई प्रभु

नजरमा दिव्य दृष्टि छैन

सुनिरहुँ लाग्छ तिमीलाई प्रभु

कानको क्षमता तिमीसम्म पुग्दैन

भजिरहनेछु तिमीलाई प्रभु जन्मजन्म

तिम्रो समिप आउन नसकेपनि

सजाइरहनेछु हृदयमा प्रभु मृत्युपर्यन्त

यमराजनै आई अकालमै छुटाएपनि

तिमीनै आत्यन्तिक सत्य प्रभु

छुट्ने छैनौं प्रलयनै आएपनि

तिमीनै मोक्षको द्वार प्रभु

तिमीलेनै लगाउनेछौ असत्यबाट पार

तिमीनै पूजा, भक्ति प्रभु

तिमीनै सकल ब्रह्माण्डको सार

तिम्रो कृपा वर्षिरहेछ अपार

पाएकोछु अनन्दनगरको बेग्लै संसार 

कति चाहान्छु तिमीलाई प्रभु

नाप्ने कुनै मापन छैन

कति सम्झिन्छु तिमीलाई प्रभु

चिरेर देखाउन अवतार होइन।