आमा तिमी...

         लालीगुरांश

आमा तिमी कति दानी

मलाई जीवन दान दियौ

हुर्काउँदा हामीलाई

कति दुःख सहयौ ।

धर्ती जस्तो मुटु तिम्रो

मायैं मायाँ पोखी दियौ

हामीलाई सुख दिन 

धेरै पिडा सही दियौ ।

आमा जति ठुलो यहाँ

छैन नाता अरु कुनै

छोडी बस्दा बिदेशमा

सम्झना आउने झनै । 

कति दुःख गर्यो तिमीले

यो कोपिला फुलाउन

आजै देखि थाल्छु म नि 

तिमीलाई हँसाउन ।

मन खोली तिमी हाँस्दा

पिडा दुःख भाग्छ सारा

यसै गरी तिर्छु आमा 

तिम्रो ऋणको भारा ।