मायाको यादमा

लालीगुरांश   
मुटुभित्रको चोखो अनि मिठो मायाँ
तिम्रो मादक ओठमा छचल्कीदिन्छ
हाम्रो निश्छल प्रेमको शुरीलो भाका
तिम्रो नशालु आँखाले गाइदिन्छ
साथ साथ विताएका यादगार क्षणहरू
तिमी टाढा भइदिँदा काँढासरी विझाइदिन्छ ।

मायाँ साट्दा उर्लिएका चुम्बनहरूले
रूखीएको मनको मूल रसाइदिन्छ
लामो पर्खाइका मिलनहरूले
यौवनका स्वपनिल तिर्खाहरू मेटाइदिन्छ
मायाँले भरिएका तिम्रा हरेक स्पर्सहरूले
जीवनमा रङ्गीन पूmलहरू पूmलाइदिन्छ ।

मायाँ कुनै रित्तिने वस्तु होइन
जति पोख्यो उति भरीइदिन्छ
प्यारा तिमीमा माया पोख्न नपाउँदा
हृदय मेरो विलौना गरी रोइदिन्छ
तिमी त खुशीले परदेशी भइगयौ
तिम्रै यादमा यो मन पलपल तड्पिदिन्छ

अनि मनभरी तनभरी
तिम्रै तस्वीर छाइदिन्छ
अतितका मिठा मिठा पलहरूले
मलाई कल्पी कल्पी रुवाइदिन्छ ।  २