लालीगुरांश
केवल साथी होइन तिमी
साथी भन्दा माथि छौ ।
जीवनको अटुट बन्धन तिमी
तिमी जीवन साथी हौ ।।
तिम्रो अटुट साथ पाउँदा
अमुल्य भएकोछ जीवन यो ।
नजरबाट तिमी ओझेल हुँदा
अनायासै चर्कीदिन्छ हृदय यो ।।
पलपलका यादहरु सम्झनामा छाईदिदा
रसाईदिन्छन् झुकेका यी परेलीहरु ।
सपनीमा सुटुक्क तिमी आईदिदा
मगमग वसाईदिन्छन् मनका तरेलीहरु ।।
भौतिक दुरीले नछेक्ने रहेछ
हृदयमा उर्लिने प्रेममय भावहरुलाई ।
तनका आँखाले नदेख्ने रहेछ
भावुकतामा मिसिएका अनगिन्ती तडपहरुलाई ।।
तनका आँखाले नदेख्ने रहेछ
भावुकतामा मिसिएका अनगिन्ती तडपहरुलाई ।।
No comments:
Post a Comment