चिदानंद रूप: शिवोहम शिवोहम

निर्वाणषटकम् 

मनोबुद्धय्हंकार चित्तानि नाहं

न च श्रोत्रजिव्हे न च घ्राणनेत्रे।
न च व्योमभूमिर्न तेजो न वायु:
चिदानंद रूप: शिवोहम् शिवोहम्।।१।।

न च प्राणसंज्ञो न वै पञ्चवायुः
न वा सप्तधातुर्न वा पञ्चकोश:।
न वाक् पाणिपादौ न चोपस्थपायू
चिदानंद रूप: शिवोहम्  शिवोहम्।।२।।

न मे द्वेषरागौ न मे लोभमोहौ
मदो नैव मे नैव मात्सर्यभाव:।
न धर्मो न चार्थो न कामो न मोक्ष:
चिदानंद रूप:  शिवोहम् शिवोहम्।।३।।

न पुण्यं न पापं न सौख्यं न दुःखं
न मंत्रो न तीर्थम् न वेदा न यज्ञा:।
अहं भोजनं नैव भोज्यं न भोक्ता
चिदानंदरू: शिवोहम् शिवोहम्।।४।।

न मे मृत्युशंका न मे जातिभेद: 

पिता नैव मे नैव माता न जन्म।
न बन्धुर्न मित्रं गुरुर्नैव शिष्य: 

चिदानंद रूप: शिवोहम् शिवोहम्।।५।।

अहं निर्विकल्पो निराकाररूपो

विभुर्व्याप्य सर्वत्र सर्वइन्द्रियाणाम्।
सदा मे समत्वं न मुक्तिर्न बंध: 

चिदानंदरूप: शिवोहम् शिवोहम्।।६।।

आत्मषट्कम/निर्वाणषटकम्