लालीगुरांश (सिर्जना भण्डारी)
दिव्य प्रेम प्रशाद रहेछ
हृदयमा अविरल अमृतधारा बहाइदिने।
दिव्य प्रेम प्रकृति रहेछ
जीवनमा रंगीन ऋतुहरु ल्याइदिने।
दिव्य प्रेम पुष्प रहेछ
अंगअंग मिठो सुवासले महकाइदिने।
दिव्य प्रेम जल रहेछ
तनमन, भावना परम-पवित्र गरिदिने।
दिव्य प्रेम वर्षा रहेछ
तनमन, भावना निथ्रुक्क भिजाइदिने।
दिव्य प्रेम मल रहेछ
जीवनमा परम-आनन्दको फल फलाइदिने।
दिव्य प्रेम संगीत रहेछ
हरपल कानमा स्व-राग गुञ्जाइदिने।
दिव्य प्रेम दर्पण रहेछ
आफूमा आफैंलाई सुन्दर देखाइदिने।
दिव्य प्रेम सागर रहेछ
असीम सुख, शान्ति अटाइदिने।
दिव्य प्रेम ओखती रहेछ
सारा रोग, पिडा हरिदिने।
दिव्य प्रेम सुविधा रहेछ
तनमनलाई आरामै आराम दिलाइदिने
दिव्य प्रेम अनुभूति रहेछ
प्रितीका मिठा स्मृतिहरुमा डुबाइदिने।
दिव्य प्रेम शान्ति रहेछ
जीवनका दुःख, तनाव हटाइदिने।
दिव्य प्रेम आनन्द रहेछ
हरपल दिव्यताको धाराले नुहाइदिने।
दिव्य प्रेम ज्ञान रहेछ
सुखी जीवन जीउन सिकाइदिने।
दिव्य प्रेम स्वाद रहेछ
हृदयमा प्रेमको अमृतरस वर्षाइदिने।
दिव्य प्रेम विश्वास रहेछ
प्रियतमको हृदयमा आफूलाई देखाइदिने।
दिव्य प्रेम आभास रहेछ
हृदयको गहिराइमा प्रियतममात्र छाइदिने ।
दिव्य प्रेम आभास रहेछ
No comments:
Post a Comment