लालीगुरांश (सिर्जना भण्डारी)
हरिगुरु भजन
नयाँ साथ नयाँ जीवन
उडौं हामी छोइ गगन
हृदयको दिव्य स्मृतिमा मगन
आउ गरौं हाम्रो मिलन ।
शरीर होइनौं आत्माको भाव
मनको होइन चेतनाको जाप
छैन कुनै अभावको दवाव
केवल हृदयमा प्रेमको भाव
प्रभु मिलनको यो महालगन
आउ गरौं हाम्रो मिलन ।
नयाँ साथ नयाँ जीवन
उडौं हामी छोइ गगन........
जगतबाट दुर धेरै दुर
हाम्रो निवास उच्च आकाश
जगमग ज्योति सुर्य समान
मिलौं ब्रम्हमा भइ एकतमाम
प्रभु मिलनको यो महालगन
आउ गरौं हाम्रो मिलन ।
नयाँ साथ नयाँ जीवन
उडौं हामी छोइ गगन........
अव्यक्त अनन्त निराकार त्यहाँ
फैलिएको झिलमिल ज्योति जहाँ
मिलाउँ हाम्रो चेतनाको लहर
प्रभुको निवास वैकुण्ठ जगत
प्रभु मिलनको यो महालगन
आउ
गरौं हाम्रो मिलन ।
नयाँ साथ नयाँ जीवन
उडौं हामी छोइ गगन........
